Makhluk Ghoib sakjroning quran

JAGATE LELEMBUT SAKJRONING KITAB

Pujiono, S.Si.MM

Sakjroning kitab Al-quran kaserat bilih percaya bab kang ghoib kalebu perangane tanda tanda iman marang Allah. Kalebu percaya anane makhluk ghoib.  Al-Baqarah ayat 3 kang tegese “ yaiku wong kang percaya marang bab ghoib lan ngedhekake shalat lan gelem infak saka banda sing diduweni “, nanging ing kene manungsa ara dikeparengake  wedi utawa malah nyembah marang  sing jenenge makhluk ghoib.

Makhluk ghoib  makhluk kang dititahake Allah tanpa wujud jasad, ara katon mata jinise kaperang ana: Malaikat, Jin lan  Iblis. Allah nitahke sakabehing makhluk kuwi mau namung supaya padha menembah marang piyambake (Ad-dyariyat 56). Malaikat kang kacipta saka cahya (nur)  duweni ciri kataatan ibadah kang linuwih marang Allah ara ana kang duraka, Surat At-Tahrim ayat 6: Lan Deweke (malaikat) ara ana kang ingkar marang Allah lan maligi mbangun miturut sing diperintahke Allah”. Nanging  sing jenenge Iblis mbadal saka perintahe Allah ara gelem manut kepara bakal nggada marang manungsa. Surah al-Kahfi ayat 50: “ Allah paring dawuh marang malaikat, padha sujudto kowe marang Adam. mula kabeh padha sujud kajaba Iblis. Deweke saka bangsane jin, mula deweke duraka marang Allah” mula sakabehing sifat durjana, duraka saka jin utawa manungsa  iku diarani Syetan. Kenapa Iblis ara gelem sujud kurmad marang Nabi Adam jalaran rumangsa deweke makhluk kang luwih becik asale tinimbang Nabi Adam Surat al-A'raf ayat 12: Jin jawab, Aku luwih becik saka deweke(adam), aku asale saka geni lan adam kadadean saka lemah”

Wondene  jinise Jin ana sing duweni pakarti becik lan iman marang Allah, nanging ana sing duweni pakarti ala lan ara iman marang Allah. Surat al-Jinn ayat 11: lan saktemene saka golongaku (jin) ana sing sholeh lan ana sing ara sholeh. Mula golanganku(jin) padha mlaku kanthi dalan kang beda

Kang iman marang Allah uga ngleksanake ibadah kaya  manungsa. Dene kang ora duwe iman uga mbadal lan duweni pakarti ala. Mula manungsa utawa jin kang nyipati ala iku sakbanjure kang diarani syetan. Yaiku syetan kang babone saka Iblis. Mula syetan iku bisa saka manungsa lan bisa saka Jin. Syetan kang duweni pakarti ala tugase nggadha marang manungsa supaya padha tumindhak duraka marang Allah kang maha kuasa. Ana sakjroning quran di ngendhikake “Surah Faatir ayat 6:” saktemene syetan iku musuhmu, mula anggeppen musuh karana saktemene syetan iku ngajak kanca supaya kowe mlebu neraka kang genine mbulat-mbulat”

Kajaba iku ana ing Surah an-Nur ayat 21 uga dijelaske kang tegese:

Hai wong kang padha iman, aja padha melu tumindhake syetan. Sing sapa melu tumindhae syetan saktemene syetan iku ngajak marang tumindhak nistha lan mungkar

Nah, magepokan kara jenenge lelembut, karana  angepan masyarakat mesthi kuwi nyipati kang ara becik mula ana ing tulisan iki malaikat ara kalebokake  lelembut. Jalaran Malaikat ara ana kang nyipati ala. Sakbanjure sing jenenge maklhuk alus lelembut  iku mesthi saka jin lan iblis utawa syetan. Bangsane jin, iblis utawa syetan uga kaya manungsa duweni panggonan, pasangan urip, anak lan pakarti kaya manungsa uga. iblis utawa syetan duweni drajat kang luwih asor tinimbang jin, sebab iblis utawa bangsane syetan urip namung kanggo nggadha manungso. Lan sing jenengene makhluk alus (jin) uga duweni roh jalaran uga bakal ngadepi mati utawa duweni batesan umur. Nanging keturunan iblis (syetan) wae kang matine bareng kara pupute jaman (kiamat) Surah al-Hijr ayat 37 & 38:

Allah paring pangandhika saktemene kowe kuwi saka golongan kang diwenehi wektu dhowo, nganti wektu kang ditentokake (dina kiamat).  

Karana ujude kang ara katon, sing jenenge makhluk alus (jin,iblis utawa syetan|) luwih gampang meruhi lan nggadha manungsa Surah al-A'raaf ayat 27 Allah kang tegese:  Hai anak Adam,aja pisan-pisan kowe kapusan syetan kaya dene syetan wis ngethokake Adam lan  Hawa saka syurga. Saktemene syetan lan andahane bisa ngeske kowe saka pangganane lan kowe ara mangerteni. Saktemene Allah wis ndadekake syetan iku pemimpin kanggo wong kang ara duwe iman.

Bangsane makhluk alus bisa maujud utawa memba-memba arupa apa wae jumbuh kara sing di karepe kanthi idi palilahe Allah. Nanging deweke ara bisa memba utawa madani Nabi Muhammad SAW, Lan bisa mlebu metu saka ngendhi wae tanpa ana wates tembok utawa apa wae. Rasulullah bersabda: Saktemene syetan iku anggone nggadha kanthi mlebu sakjroning getih manungsa, lan aku kuatir syetan bakal ndeleh samu barang kang ala ing sakjroning ati manungsa

Lan menawa ana ing surat An-nas ayat 4-6 uga dijlentrehake kang tegese ” saka panggodane syetan kang ara katon, sing mlebu sakjroning dada manungsa, saka golongane jin lan menungsa. 

Nanging Allah uga menehi pitedah kara manungsa. Karana alame kang beda sakjane jin lan syetan ara bisa apa-apa kara manungsa. Luwih-luwih marang manungsa kang duweni iman, taqwa lan ikhlas (Shad :83). Mula tumrape manungsa kang duwe keyakinan sejatine kudu yakin ara bakal bisa kagadha marang syetan jalaran Allah paring ngendhika ana ing An-Nahl 99-100 kang tegese “ sakteme syetan kuwi ara duweni kuwasa marang wong kang iman lan taqwa marang Allah, lan syetan kuwi hamung kuasa marang wong kang ndadekake deweke (syetan) pangeran”

Ayat ing duwur cetha ngegla manungsa kang iman ara kena duweni sifat wedi jalaran kara bangsane jin lan syetan. Sebab sing jenenge syetan namung bisa ngganggu utawa kuwasa marang wong kang ara duweni iman utawa kepara ndadekake syetan sesembahan. Mula gaman kitha kangga musuhi syetan yaiku tangsah nambah rasa keimanan marang gusti Allah kang maha kuasa. Jalaran wis dadi kodrate Allah nyiptaake jin, iblis utawa syetan iku kajaba kangga nuduhake keagungan Allah, uga kangga nguji manungsa supaya tetep waspadha.Manungsa kang duweni iman lan taqwa ara bakal gampang kagodha marang pakarti-pakartine syetan. Muga muga kita kagolangke ewone manungsa kang iman lan taqwa sahingga ara bakal kena panggadhane jin lan syetan.Amin

.