|
Ass.Wr.Wb.
Nuwun,
wilujeng siyang kagem sedayanipun, ingkang rawuh wonten pawiyatan punika. Mugi
kasugengan, karaharjan tumanduk dhateng kita sedaya.
Pangarsa Dinas pendidikan Kota Surakarta kalian tamu
undangan,
Pangarsa Sekolah
….. soho Ketua Komite ….
Pakurmatan
ugi Katur Bapa tuwin Ibu, ustad-ustazah Sedoyo….
Pakurmatan
ugi katur dhumateng sedaya bapa-ibu tiyang sepuh, wali siswa ……….
Ugi sedaya
sedherek kelas …….. ingkang kula tresnani.
Minangka
titahing Allah SWT Ingkang Maha Gesang, sumangga panjenengan sedaya kula
dherekakken muji syukur dhateng Allah SWT ingkang sampun paring rahmad,
kanugrahan, taufiq sarta hidayah, pramila kita sedaya saged makempal wonten
aula punika, saperlu mahargya
akhirussanah kelas ………..angkatan …….. siswa siswi Sekolah Dasar ………………………
Saderengipun
kula nyadhong pangaksama ingkang kathah, awit kula sampun kumawantun nyela atur
kamardikan panjenengan, awrat ngemban dhawuhipun kanca-kanca kelas ……… ingkang
bade atur pamit.
Mboten kraos
kula sak kanca sampun enem warsa dangunipun,
anggen kula sami ngangsu kawruh, sinau ing pawiyatan punika. Ateges
anggen kula sinau sak punika sampun rampung. Alhamdulillah sedanten saged lulus
kanthi sae. Manawi nuruti pangraos, kula
sak kanca taksih krasan lan remen dipunwucal ustad-ustazah. Ananging, pinangka nerusaken langkah ingkang linuwih,
kangge nggayuh cita-cita, purun mboten purun kula kedhah murnani.
Kula sak kanca
ngaturaken agunging panuwun ingkang
tanpa pepindhan dhateng ustad-ustazah ingkang sampun paring piwucal,
tuntunan, pitutur, kanthi sabar lan tlatos. Kula among saged matur “Jazzakumullah
khoiron katsiro”. Mugi-mugi kawruh lan kasaenan punika dadosa amal shaleh,
pikantuk piwales saking Allah SWT. Dene kula sak kanca naming saged memuji,
mugi-mugi ustad-Ustazah pinayungan kawilujengan, karahayon, bagas waras,
kaliyan lancar rejekinipun.
Kula sak
kanca ugi ngrumaosi salebeting sinau ing pawiyatan mriki kathah tindak tanduk kula
ingkang mboten mranani ing penggalih, andhadhosaken kalepatan dhumateng
ustad-ustazah.
Wonten
kesempatan punika kula sak kanca nyuwun agunging pangapunten. Kanti rena ing
penggalih, kula ugi nyuwun donga pangestu anggen kula bade
nerusaken lampah, mugi-mugi diparingi gampil anggen kula nglanjutaken sekolah
ngantos saged anggayuh cita-cita .
Kangge
adhik-adhik kelas, mugi-mugi saged langkung damel pawiyatan …………………………………
menika langkung sae. Kanthi sregep sinau lan nurut dhumatheng pitutur
ustad-ustazah.
Mekaten atur
kula, mbok bilih woten kalepatan anggen kula matur, kula nyuwun agunging
pangaksami.
Mugi rahayua
ingkang sami pinanggih, widada kalis ing rubeda.
Akhirul
kalam. WassWrWb.
Tidak ada komentar:
Posting Komentar